Шәкәрім университеті, Ветеринария және ауыл шаруашылығы зерттеу мектебінің белсенді және білімге құштар студенттері халықаралық академиялық ұтқырлық бағдарламасы аясында жаңа белестерге аттанды!
2025–2026 оқу жылында олар Қытай Халық Республикасының Үрүмші қаласындағы Шыңжаң ауыл шаруашылық университетінде өз білімін жетілдіріп, тәжірибесін арттырады. Бұл – студенттердің кәсіби дамуы мен халықаралық тәжірибе жинауына берілген үлкен мүмкіндік!

Бағдарламаға қатысушы студенттеріміз: «6B09103 – Ветеринария» БББ бойынша 3-курс студенттері – Мурсальбекова Алуа, Қапар Дәурен, «6B08201 – Мал шаруашылығы өнімдерін өндіру технологиясы» БББ бойынша 3-курс студенттері – Жунусова Самал, Байзова Раян, Сабитов Ерасыл.

Бұл бағдарламаның басты мақсаты – жастардың әлемдік білім кеңістігіне енуіне, кәсіби әлеуетін арттыруына және жаңа көзқарас қалыптастыруына жағдай жасау.

 Шетелде оқу арқылы студенттеріміз ғылыми-зерттеу дағдыларын дамытып, заманауи білім технологияларымен танысады.

Университетіміз халықаралық серіктестікті нығайтып, білім сапасын арттыруды жалғастыра бермек. 

Студенттерімізге табысты оқу, сәтті тәжірибе және жарқын жетістіктер мен жаңа белестерді бағындыруды тілейміз!