«Ауыл шаруашылығы» кафедрасында студенттер ғылымға оқуын бастаған алғашқы курстарынан-ақ тартылады!
6В08303 – «Орман ресурстары және аңшылықтану» білім беру бағдарламасы аясында «Орман қорғаушылары» атты студенттік үйірме жұмыс істейді. Үйірме жұмысына БББ менеджері – Джаманова Г.И. және PhD – Байгазакова Ж.М. жетекшілік етеді.
Үйірмеде студенттер мыналарды үйренеді:
− зертханалық және далалық зерттеулер жүргізуді;
− ғылыми-зерттеу дағдыларын қалыптастыруды және мотивацияны арттыруды;
− нақты ғылыми мәселелермен жұмыс жасауды.
Біздің студенттер зерттеп жүрген өзекті тақырыптардың бірі – ормандағы өрттен кейінгі топырақтағы өзгерістер. Бұл үдерістер тікелей топырақ құнарлылығына және орман дақылдарының (екпелерінің) жерсінуіне әсер етеді.
Тақырыптың маңызы зор, себебі орман өрттерінің салдары топырақ құнарлылығының төмендеуіне, топырақ қабатының қысқаруына, микробиологиялық қауымдастықтың бұзылуына, су режимінің нашарлауына, эрозияға және басқа да көптеген жағымсыз өзгерістерге әкелуі мүмкін.
Зерттеулер толықтай бекітілген жұмыс жоспарына сәйкес жүргізілуде және «Семей орманы» резерватының ынтымақтастығы негізінде жүзеге асырылуда.
Біздің студенттер қазірдің өзінде Қазақстан ормандарының болашағына өз үлестерін қосып жатыр!